“Ötən həftə 12 özəl məktəb, 800 dövlət məktəbində yoxlamalar aparılıb”.
Oxu.Az-ın müxbirinin məlumatına görə, bunu Təhsil naziri Emin Əmrullayev keçirdiyi brifinqdə bildirib.
O qeyd edib ki, məqsəd qaydalara necə əməl edilməsinə nəzarətdir.
Nazir vurğulayıb ki, aparılan yoxlama nəticəsində üç məktəbdə həftəlik normaların pozulduğu aşkarlanıb:
“Bu məsələ aktlaşdırılıb və aidiyyəti müəssisələrə göndərilib. Bu barədə hesabatlar hazırlananda ictimaiyyətə məlumat veriləcək”.
