Rusiyada son sutka ərzində daha 10 699 koronavirusa yoluxma halı müəyyən edilib.
REN TV-nin məlumatına görə, bu barədə operativ qərargahdan məlumat verilib.
Qeyd olunub ki, koronavirus diaqnozu qoyulan insanların 48,9%-də xəstəliyin klinik təzahürləri yoxdur.
O da bildirilib ki, son bir gündə pasiyentlərdən 98 nəfəri ölüb.
Koronavirusa yeni yoluxma hallarının əksəriyyəti Moskva, Moskva vilayəti və Sankt-Peterburqda qeydə alınıb.
Beləliklə, Rusiyada hazırda 187 859 nəfər koronavirusa yoluxub. Ümumilikdə, 26 608 nəfər bu xəstəlikdən sağalıb, 1 723 nəfər isə ölüb.
