İranın Tehran vilayəti valiliyi koronavirusun yenidən yayılması səbəbi ilə 3-10 oktyabrda vilayətdə müəyyən fəaliyyətlərin dayandırılmasına qərar verib.
APA-nın Tehran bürosunun məlumatına görə, bu, Tehran vilayəti valiliyinin qərarında öz əksini tapıb.
Qərarda bildirilir ki, qeyd olunan müddətdə Tehran vilayətinin universitet, orta məktəblər, texniki və peşə təlim mərkəzləri, kurslar, kitabxanaları, məscidləri, kinoteatrları, muzeyləri, restoranları, gözəllik salonlarının fəaliyyət göstərməsi qadağan edilib.
Qeyd olunan müddətdə istənilən ictimai, mədəni, dini və digər tədbirləri təşkil etmək, çayxanalar, zoopark və lunaparklar, idman zallarının fəaliyyət göstərməsi qadağandır.
