Türkiyədə son sutka ərzində koronavirusdan (COVID-19) 174 nəfər ölüb.
APA-nın yerli bürosunun xəbərinə görə, bu barədə Türkiyənin səhiyyə naziri Fəxrəddin Qoca bildirib.
Nazir qeyd edib ki, son 24 saatda 168 348 nəfər koronavirus testindən keçib, 6876 xəstənin COVID-19 testi pozitiv çıxıb, ümumilikdə isə simptomları müəyyən edilməyən xəstələrlə birlikdə 29 132 nəfər COVID şübhəlisi olaraq qeydiyyata alınıb. Ağır xəstə sayı dünənlə müqayisədə 70 nəfər artaraq 4711 olub.
Qeyd edək ki, Türkiyədə indiyədək 474 606 nəfər yeni növ koronavirus infeksiyasına yoluxub, onlardan 13 014 nəfəri ölüb.
