Koronivarusa yoluxanlarda virusa qarşı immunitet yaranıb-yaranmadığı, bunun hamıda baş verib-vermədiyi araşdırılır.
e-tibb.az xəbər verir ki, bununla bağlı daha bir araşdırma Rusiyada aparılıb. Məşhur “Invitro” şirkəti koronovarus testindən keçən 40.000 nəfərin 14%-də COVID-ə antitel aşkarlandığını bildirib. Şirkətin bütün laboratoriyalar şəbəkəsində G sinif immunoglobulin sınağı keçirilib.
Şirkət testin həssaslığının 95%-dən çox, spesifikliyin 98% olduğunu açıqlayıb. "Qan serumunda spesifik antitel olması, bədənin SARS-CoV-2 virusu ilə qarşılaşdığını və bu əlaqə zamanı virusu təkrar qarşılaşdıqda tanıyan antitel olub-olmadığını müəyyən etməyə imkan verir" deyə Invitro şirkətinin açıqlamasında bildirilir.
Qeyd edilib ki, G immunoqlobulinləri bədən virusa məruz qaldıqdan 21-28 gün sonra istehsal olunmağa başlayır.
