Aktyor Allahverdi Yolçuyev illərdir işsiz qaldığını deyib.
"Sherg.az" axşam.az-a istinadən bildirir ki, sənətçi bu haqda "Tünzalənin əli ilə" proqramında deyib. O bildirib ki, teatrdan çıxmasına peşman olub:
"Dörd nəvə, beş övlad saxlayırdım. Teatrdan çıxıb, el şənliklərinə getdim. Amma peşmanam, teatrda qalmalıydım. Yaradıcı insan işsiz qalmamalıdır".
Səhhətində problem olan aktyor müalicəyə gücü çatmadığını söyləyib:
"Müalicəm sənətimdir. İşim olsa, əl-ayağım əsməz. Bütün stressin səbəbi işsizlikdir. Hər həkim bir diaqnoz qoyub əllərimin əsməyinə. Əvvəl barmağım, sonra əlim, sonra isə qolum əsdi. Müalicəsi xaricdədir, maddi gücüm çatmır gedim".
