Alimlərdən yeni kəşf: pəhrizsiz arıqlamaq mümkündür

  Elm adamları qəhvəyi yağ toxumasından PHD2 genini çıxararaq orqanizmdə maddələr mübadiləsini sürətləndirə biləcəklərini aşkar ediblər. Bu kəşf pəhriz saxlamadan daha çox kalori yandırmağa imkan verir. “Sherg.az” “NTV.com.tr”yə istinadən bidlirir ki, bundan əlavə, araşdırmalar nəticəsində bunun piylənmə və 2-ci tip diabet kimi artıq çəki ilə əlaqəli xəstəliklərin müalicəsi üçün yeni yollar aça biləcəyi bəlli olub. Alimlər müəyyən ediblər ki, orqanizm pəhriz saxlamadan daha çox kalori yandıra bilir. Nottingham Trent Universitetinin tədqiqatçıları qəhvəyi yağ toxumasından PHD2 geninin çıxarılmasının orqanizmdə maddələr mübadiləsinin sürətlənməsinə səbəb olduğunu aşkar ediblər. “Nature Communications” jurnalında dərc edilən nəticələr, geni olmayan siçanların əhəmiyyətli dərəcədə daha çox yemək yeməsinə baxmayaraq, PHD2 geni olanlara nisbətən 60 faiz daha çox kalori yandırdığını göstərir. PHD2 soyuq havada insanı isti saxlayan bir toxuma növü olan qəhvəyi piylərin tənzimlənməsində əsas rol oynayan gendir. NTU Elm və Texnologiya Məktəbinin tədqiqatçısı Dr. Zoi Michailidou bildirib ki, tapıntılar piylənmə, 2-ci tip diabet və artıq çəki ilə əlaqəli digər xəstəliklərin müalicəsi üçün yeni üsullara yol aça bilər. "Genin təsirinin azaldılması artıq çəki ilə 2-ci tip şəkərli diabet arasında əlaqəni poza bilər. Bu tapıntılar yüksək risk altında olan insanlar üçün çox vacibdir", - Michailidou deyib. Dr. Michailidou, bunun hələ erkən tədqiqat olması və insanlarda daha çox araşdırmaya ehtiyac duyulmasına baxmayaraq, PHD2 geninin yağ toxumasından çıxarılmasının maddələr mübadiləsini artıracağını və daimi pəhrizə ehtiyac olmadan kilo itkisinin davamlı olmasına imkan verəcəyini ifadə edib. Alimlər oksigen səviyyəsinin dəniz səviyyəsindən aşağı olduğu zirvələr və ya dağlar kimi yüksək hündürlüklərdə olmasının insanın maddələr mübadiləsini sürətləndirə biləcəyi fikrindədir. Tədqiqatçılar "orqanizm üçün oksigen sensoru" kimi təsvir etdiyi PHD2 genini qəhvəyi yağ toxumasından çıxararaq bu yüksək hündürlük effektini təqlid edə biləcəklərini görmək istəyib. Tədqiqatçılar, siçanlar üzərində aparılan testlərdən sonra PHD2 geninin təsirini daha yaxşı başa düşmək üçün 5000-dən çox insanın qanını analiz ediblər. Onlar PHD2 geni tərəfindən kodlanan PHD2 zülalının səviyyəsinin daha çox qarın piyi olanlarda daha yüksək olduğunu müəyyən edib. Tədqiqat qrupu həmçinin, bu genin diabet və tiroid (vəz) xəstəlikləri kimi metabolik xəstəliklər riskinin artması ilə əlaqəli olduğunu aşkar edib. Dr. Michailidou sonda açıqlama verərək deyib: "Qəhvəyi yağ, soyuq temperaturlara məruz qaldıqda insanlarda daha aktiv olan kalori yandıran toxumanın xüsusi bir növüdür. Yağ hüceyrələrinin oksigeni hiss etməsinə imkan verən bir zülalın məhv edilməsi ilə biz siçanlar üzərində təcrübə aparmaqla insan hüceyrələrinin soyuq temperaturlara məruz qalmadıqda belə kalori yandırmanın baş verə biləcəyini göstərə bildik".