FETÖ-dəki parçalanmalar çoxdan məlum idi. Terrorçuların lideri Fətullah Gülənin ölümündən sonra təşkilat daxilində müzakirələr başlasa da, FETÖ üzvü Cevdet Türkyolunun Gülənin dəfn mərasimində iştirak etməyəcəyi iddiası təşkilatı çaş-baş salıb.
Sherg.az xəbər verir ki, 15 iyul uğursuz çevriliş cəhdinin memarı, FETÖ lideri Fətullah Gülən 20.10.2024-cü ildə vəfat edib. Fətullah Gülənin ölümü ilə təşkilatın üst rəhbərliyində çaxnaşma yaradıb. Onun ölümünün elan edilib-edilməməsi ilə bağlı təşkilat daxilində böyük müzakirələr gedirdi. Xəstəliyinin ağırlaşmasına səbəb olan dərmanları ona verən Fətullah Gülənin ətrafındakılar xəbəri gizli saxlamağa qərar veriblər.
FETÖ lideri Fətullah Gülənin səhhətinin ağır olduğu, psixi cəhətdən sağlam olmadığı məlum olub. “Uzun Cövdət” ləqəbli qara qutu Cevdet Türkyolunun Fətullah Gülənə sağlam görünməsi, təşkilata maddi yardımının kəsilməməsi üçün dərman verdiyi üzə çıxıb və əvvəllər çəkilmiş videoları sanki yeni kimi yayımlanıb. Bütün bunlar təşkilatın dağılmaması üçün edilib. Cevdet Türkyolu həm Fətullah Güləni, həm də təşkilatın pullarını özünəməxsus şəkildə idarə etmək üçün hətta təşkilatın liderini Pensilvaniyadakı fermadan qaçıraraq kürəkəninin evinə aparıb.
Təşkilat lideri Fətullah Gülənin vəfatı heyət daxilindəki mübarizəni qızışdırıb. Təşkilat rəhbərinin harada dəfn ediləcəyi, namazı kimin qılacağı və dəfn mərasiminə kimin qatılacağı müzakirə mövzusu olub.
Diplomatik mənbələrdən əldə edilən məlumata görə; Cevdet Türkyolu cənazənin bir an əvvəl öz nəzarəti altında torpağa tapşırılmasını istəyir, lakin nümayəndə heyətinin böyükləri Avropadan gələnlərin gözlənilməsinin tərəfdarıdır. Cevdet Türkyolunun şou cənazəsi təşkil edəcəyi və cənazəni qaçıracağı yönündə də xəbərlər var.
Təşkilat daxilində əksəriyyət Fətullah Güləni Səid Nursiyə bənzətmək istəyənlərdir. Təşkilat daxilində məzarın bilinməməsi ilə bağlı ümumi qərar var. Dəfn mərasiminin çox az sayda insanın iştirakı ilə keçirilməsi planlaşdırılıb və o, son məskunlaşdığı Cevdet Türkyolu kürəkəninin evinin torpağı daxilindəki meşəlik ərazidə torpağa tapşırılacaq. Bu şəkildə məzarın təhlükəsiz olacağı düşünülsə də, Cevdet Türkyolunun dəfn mərasimində iştirak etməməsi ehtimalı təşkilatın digər güc mərkəzlərini də narahat edir.
Təşkilat daxilindəki parçalanmalar çoxdan məlumdur. Fətullah Gülən vəfat edəndə təşkilatın əlində olan pulları kimin ələ keçirəcəyi və kimin idarə edəcəyi ilə bağlı böyük çəkişmələr olduğu ortaya çıxdı.
Fətullah Gülənin ölümündən sonra hakimiyyəti əldə saxlamağa çalışan Cevdet Türkyolu əslində heyətdəki ağsaqqallar tərəfindən istənmir. Nəzarətsiz şəkildə zənginləşmiş kimi görünən Cevdet Türkyolunu zərərsizləşdirmək üçün təşkilat daxilində artıq lobbiçilik başlayıb.
Təşkilatın sərvətinin böyüklüyü təşkilat daxilindəki yuxarı səviyyələri göz qamaşdırıb. Daha yüksək səviyyələrdə olan insanlar pula nəzarət etmək istəyirlər. Lakin pulun böyük hissəsinə Fətullah Gülənin səhhəti pisləşdiyi üçün onu nəzarətə götürən Cevdet Türkyolu nəzarət edir. Cevdet Türkyolu pulu öz qruplaşmalarını nəzarətdə saxlamaq üçün istifadə edir.
Qurumun idarə heyətinin digər üzvləri də Cevdet Türkyolunun pula nəzarət etdiyini bilir və ondan şikayətlənir. Qurumun Avropa qolunu idarə edən Abdullah Aymazın, ABŞ qolunu idarə edən Cevdet Türkyolu və onun yanındakı Mustafa Özcanın təsirini qırmaq üçün sıx səy göstərdiyi məlumdur. Abdulla Aymaz ABŞ tərəfini lazım gələrsə, “təşkilatı Avropa qolu kimi tərk etmək” bəhanəsi ilə hədələyir. Təşkilat daxilində hakimiyyəti əldə saxlamaq istəyənlər arasında sərt savaşın, hətta sui-qəsdlərlə nəticələnəcəyi gözlənilir.
Qurumda yer alan Mustafa Yeşil, Ali Ursavaş, Barbaros Kocakurt, Talip Büyük, Bilal Karaduman və İsmail Cingöz Abdullah Aymazla birlikdə addımlar atır.
Bu adların qarşılığında “Zaman” qəzetinin keçmiş baş redaktoru Əkrəm Dumanlı, İsmət Aksoy, Adem Kalaç, Naci Tosun, Muhammed Çətin Cevdet Türkyolu və Mustafa Özcanla birlikdə hərəkət edir.
Təşkilat daxilindəki bu ziddiyətin Avropa ilə ABŞ arasında bir ayrılıq kimi baş verəcəyi, Afrika ölkələrindəki fəaliyyətlərin Avropanın təsiri altında olacağı, Asiya ölkələrindəki fəaliyyətlərin isə ABŞ-ın nəzarətində olacağı gözlənilir.
