Araşdırmalar göstərir ki, evlilik insanları subaylardan daha xoşbəxt və ya daha sağlam etmir. Alimlər evli və heç vaxt evlənməmiş insanların fiziki və psixi sağlamlığını araşdırıblar. Belə nəticə ortaya çıxır ki, subay insanlar evli insanlar qədər, bəzən hətta evlilərdən daha xoşbəxt olurlar.
Sherg.az xarici mediaya istinadən xəbər verir ki, Kaliforniya Universitetinin tədqiqatçıları deyirlər ki, evlənmək uzunmüddətli rifahı yaxşılaşdırdığına dair “az dəlil” var.
Araşdırmaya rəhbərlik edən Dr. Bella DePaulo öz kitabında tədqiqatıını paylaşıb.
Media və hətta elmi jurnallar evliliyin sağlamlıq və rifah üçün faydalı olduğu iddiaları ilə doludur.
Ancaq metodoloji qərəzləri nəzərə alaraq tədqiqata daha yaxından nəzər saldıqda belə iddiaların çox vaxt tədqiqatın nəticələrini təhrif etdiyi və ya şişirtdiyi məlum olur.
İntihar, depressiya, tənhalıq, fiziki sağlamlıq və xoşbəxtliklə bağlı araşdırma nümunələri nəzərdən keçirildikdə nəticələr dəyişir.
Kütləvi tədqiqatlarda subay insanlar ümumiyyətlə hal-hazırda evli olanlarla oxşar xoşbəxtlik dərəcələrinə sahib görünürlər.
Tədqiqatda evlənmənin sağlamlıq və ya rifahda davamlı yaxşılaşma təmin etdiyinə dair çox az dəlil var. Əslində həyat tərzi nəzərə alındıqda subayların yaşadıqları həyatla daha xoşbəxt ola biləcəyi müəyyən edilmişdir.
