ABŞ Prezidenti Donald Tramp köməkçiləri ilə Pentaqon katibi Pit Heqsetin istefası məsələsini müzakirə edir.
Teleqraf xəbər verir ki, bu barədə CBS News mənbələrə istinadən məlumat yayıb.
Məlumata görə, Tramp respublikaçıların aralıq konqres seçkilərində məğlubiyyətindən sonra müşavirlərindən Heqsetin vəzifəsində qalıb-qalmaması barədə soruşub. Lakin kanalın mənbələri qeyd edir ki, Tramp hələ Pentaqon rəhbərinin mümkün əvəzedicisi ilə bağlı yekun qərar verməyib. CBS vurğulayır ki, demokratlar seçkilərdən əvvəl də Heqseti vəzifədən uzaqlaşdırmağa çalışırlar və bu səylər Konqresin hər iki palatası üzərində nəzarətləri ilə daha da güclənə bilər.
Çərşənbə günü CBS jurnalisti Cenifer Ceykobs X-də bildirib ki, Tramp respublikaçıların Konqres seçkilərindəki məğlubiyyətinin bir hissəsini Heqsetin üzərinə ata bilər. Onun sözlərinə görə, bu, ABŞ Mərkəzi Komandanlığının rəhbəri admiral Bredli Kuper və Birləşmiş Qərargah Rəisləri Komitəsinin sədri general Den Keynə də aiddir. "The Atlantic" əvvəllər xəbər vermişdi ki, Tramp İranla uzun sürən müharibədə günahkar axtarır. O, müşavirlərini Pentaqon rəhbərinin və Birləşmiş Qərargah Rəisləri Komitəsinin rəhbərinin fəaliyyəti ilə bağlı sorğu-sual edir.
