“Məişət zorakılığı ilə bağlı məlumatların ictimaiyyətə çatdırılması formaları çox həssas məqamdır. Bəzən materialın oxunaqlı olması üçün dolğun informasiya verirlər. Belə məsələlərdə həssas olmaq lazımdır”.
Oxu.Az-ın məlumatına görə, bunu Medianın İnkişafı Agentliyinin (MEDİA) İcraçı direktoru Əhməd İsmayılov “Məişət zorakılığı media müstəvisində” mövzusunda keçirilən təlimdə deyib.
Onun sözlərinə görə, zorakılıq hallarının cəmiyyətə çatdırılması məsələsi çox vacibdir:
“Zorakılıq hallarının cəmiyyətə təqdim edilməsi üzrə maarifləndirmə yüksək səviyyədə həyata keçirilməlidir. Biz düşünürük ki, tvinninq layihələrin uğuru çox olacaq. Gələcəkdə də bu tədbirlərdə Medianın İnkişafı Agentliyi öz dəstəyini verməyə hazırdır”.
