Uşaq-yeyiyetmə üzrə klinik psixoloq Eda Ergür bildirir ki, atası ilə sağlam bağ quran uşaqlar özünə güvənən, emosiyalarını idarə edə bilən və sosial münasibətlərdə uğurlu fərdlərə çevrilirlər.
Atanın uşağın həyatındakı rolu həm emosional, həm də sosial və zehni inkişaf baxımından olduqca vacibdir.
Ata ilə sağlam bağ uğura aparır
Atanın təhlükəsizlik hissi yaradan, anlayışlı və ardıcıl bir münasibət göstərməsi uşağın özünü dərk etməsində və xarici dünyayla əlaqələr qurmasında əhəmiyyətli rol oynayır. Bu bağ uşağın gələcəkdə akademik, peşəkar və emosional sahələrdə də daha sağlam münasibətlər qurmasına kömək edir.
“İdeal ata” necə olmalıdır?
“İdeal ata” anlayışı hər uşaq üçün fərqli olsa da, emosional və fiziki ehtiyacları anlayan, sevgi və sərhədi balanslı şəkildə təqdim edə bilən bir ata modeli önəmlidir.
Ata:
Uşağın hisslərini dinləməli,
Tənqiddən uzaq durmalı,
Dəstəkləyici və başa düşən yanaşma sərgiləməlidir.
Ata olmaq təkcə maddi imkan yaratmaqla deyil, uşağın daxili dünyasına toxuna bilmək bacarığı ilə mənalıdır.
Dəyişən ata-uşaq münasibətləri
Geleneksel avtoritar rol yerini dəyişir. Müasir dövrdə atalar:
Emosional bağlar qurur,
Uşaqları ilə oyun oynayır,
Gündəlik həyatlarında daha aktiv iştirak edirlər.
Bu təmas və paylaşım, uşağın ruh sağlamlığına müsbət təsir göstərir.
Yanında olduğunu hiss etdirmək vacibdir
Uşağın problemi ilə bağlı ilk öncə onun hissini dinləmək və anlamağa çalışmaq, “yanındayam” mesajı vermək lazımdır. “Nə hiss edirsən?”, “Bu səni necə təsirləndirdi?” kimi suallar uşağın özünü ifadə etməsini gücləndirir.
Vaxtın miqdarı yox, keyfiyyəti önəmlidir
Atanın uşağı ilə keçirdiyi zamanın keyfiyyəti daha önəmlidir. Birgə:
Oyun oynamaq,
Nağıl oxumaq,
Gəzintiyə çıxmaq kimi sadə, amma mənalı fəaliyyətlər əlaqəni gücləndirir.
Bu zaman:
Telefonlar söndürülməli,
Göz təması qurulmalı,
Uşaq dinlənilməlidir.
Sözlərdən çox davranışlar əhəmiyyətlidir
Uşaqlar üçün ən dəyərli şey qaydşsız sevgi və ata ilə sabit münasibətdir. “Səninləyəm, səni eşidirəm və səni olduğun kimi qəbul edirəm” mesajını davranışla ötürmək, övladın bütün ömrü boyu daşıyacağı emosional gücün əsasını təşkil edir.
Qısaca: İdeal ata – yalnız təmin edən deyil, dinləyən, hiss edən və yanında olan atadır.
