Dünya Bankı dövlət və özəl maliyyələşdirmədən yararlanmaq üçün geniş çeşidli texniki dəstək və maliyyə alətlərindən istifadə edərək Avropa və Mərkəzi Asiyada enerji əlaqələrini dəstəkləməyə sadiqdir.
APA xəbər verir ki, bunu Dünya Bankının Avropa və Mərkəzi Asiya üzrə vitse-prezidenti Antonella Bassolini deyib.
“Biz bərpa olunan enerji potensialının genişləndirilməsi və regionda enerji təhlükəsizliyinin gücləndirilməsi və regionlar arasında əməkdaşlığın gücləndirilməsi üçün təməl daşı kimi regional qarşılıqlı əlaqələri dəstəkləyirik. Xüsusilə, Dünya Bankı Şimali Afrikada istehsal olunan bərpa olunan enerjinin ticarəti üçün İtaliya və Tunis arasında sualtı interkonnektoru, Ukraynanın Aİ ilə inteqrasiyasını, Moldovanın Rumıniya ilə birləşməsini, Qara Dəniz Yaşıl Dəhlizini, o cümlədən Qara Dəniz sualtı kabel layihəsini dəstəkləyir” - DB-nin vitse-prezidenti əlavə edib.
