Böyük Britaniyada keçirilən Uimbldon tennis turnirində maraqlı anlar yaşanıb.
“Qafqazinfo” xəbər verir ki, azərbaycanlı Həsən Həsənov özü də fərqinə varmadan İngiltərədə məşhurlaşıb.
Belə ki, o, bilmədən Britaniya hersoginiyası Meqan Markla çox yaxın məsafədə əyləşib. Sevimli oyunçusu, amerikalı Serena Uilyamsı izləməyə gələn Meqan "dress-code" riayət etmədiyi üçün kraliyyət lojasında əyləşə bilməyib.
Bu zaman Roje Federerlə selfi çəkməyə çalışan Həsənov kraliyyət mühafizəçilərinin diqqət mərkəzinə düşüb. Onlar azərbaycanlının kral ailəsi nümayəndəsinin şəxsi həyatına müdaxilə etdini düşünüblər.
Lakin Həsənov oyundan sonra KİV-lərə açıqlama verərək Federerin oyununa baxmağa gəldiyini, Meqan Markla yaxın əyləşdiyinin fərqində belə olmadığını bildirib. Oyuna baxmaq üçün səhər saat 5-dən növbədə gözlədiyini bildirən Həsənov, biletə 25 funt-sterlinq ödədiyini qeyd edib:
“Əslində, məni ən az düşdündürən Meqan, Harri və kral ailəsinin hər hansısa üzvünün şəklini çəkmək olub. Hətta belə bir şey düşənsəydim belə, əvvəlcə soruşardım. Həmin an mənə daha çox Roje Federerin fəaliyyəti maraqlı idi. Mənim yeganə məqsədim arvadıma göndərmək üçün isveçrəli tennisçi ilə selfi çəkmək idi”.
“The Sun” nəşrinin məlumatına görə, 58 yaşlı tennis fanatı 20 ildir Londonun cənubunda yaşayır və çalışır. Neft-qaz sektorunun təhlükəsizliyi üzrə mütəxəssis olan Həsənovun Olqa adlı qadınla ailəlidir, onların Diana və Nara adlı iki qızı var.
