Rusiyada son sutka ərzində daha 29 039 nəfər yeni növ koronavirusa (COVID-19) yoluxub.
APA-nın Moskva müxbirinin Operativ Qərargaha istinadən verdiyi məlumata görə, bununla da Rusiyada koronavirusa sutkalıq yoluxmada yeni rekord qeydə alınıb və ölkədə COVID-19-a yoluxanların sayı 2 460 770 nəfərə çatıb.
Son sutka ərzində 457 nəfərin koronavirusdan öldüyü bildirilib. Ümumilikdə koronavirusdan ölənlərin sayı 43 141 nəfərə çatıb.
Qeyd edək ki, Rusiya koronavirusa yoluxmaların sayına görə dünyada ABŞ, Hindistandan və Brazilyadan sonra dördüncü yerdə gəlir.
