Argentinada sanitar təyyarə qəzaya uğrayıb

Argentinanın Rio-Qrande şəhərində tibb işçilərini daşıyan təyyarə qəzaya uğrayıb.

APA-nın xəbərinə görə, bu barədə “Todo Noticicas” kanalı məlumat yayıb.

Təyyarə xəstə uşağı Rio-Qrande şəhərinə çatdırdıqdan sonra Buenos-Ayresə qayıdırmış. Qəza zamanı göyərtədə olan 2 pilot və 2 tibb işçisi həlak olub. İlkin ehtimala görə, təyyarə qalxarkən aeroport yaxınlığındakı binaya çırpılıb.