“Div adam” öldü - Həkimlər xəbərdarlıq etmişdi, amma...

Dünya onu fövqəladə əzələləri ilə tanıdı. Bazu və sinə əzələlərini süni üsulla şişirdərək “braziliyalı “Hulk” ləqəbi ilə tanınan braziliyalı fəhlə - Valdir Segato 55 yaşında vəfat edib. Valdir Segato Braziliyanın San-Paulo şəhərində inşaatda çalışıb. 2013-cü ildə çox böyük ölçülü – 60 santimetr qalınlığında əzələləri ilə gündəmə gəlib. “Braziliyalı Hulk” ləqəbi alan Valdir əzələlərini dəri altına yağ yeritməklə şişirdirmiş. Bununla da cəlbedici, hətta vahiməli görüntü əldə edirmiş. “Şərq” “Milliyet.com”a istinadən xəbər verir ki, Valdirin güclü əzələlərinin sirrinin çözülməsiylə həyatla vidalaşması arasında çox qısa zaman keçib. Həkimlər isə ona xəbərdarlıq edərək əzələlərinin ona ölüm təhlükəsi yaratdığını deyib. Lakin o, həkimlərin xəbərdarlığına baxmayaraq illərdir əzələlərini yağla şişirtməyə davam edib. “Tik Tok”da 1q.6 milyon təqibçisi var idi. Sosial mediada fenomen olan Valdiri güclü əzələləri xilas etməyib, əksinə, onu ölümə sürükləyib. Valdir dəri altına tərkibində yağ, alkoqol və ağrıkəsici olan “sintol” maddəsi yeridirmiş. Bu isə zamanla ürək-damar sisteminin zədələnməsinə, nəfəs darlığına səbəb olub. 55 yaşını qeyd edən Valdir nəfəs darlığı yaşayıb, qonşulardan yardım istəyib. Qonşular Valdirin “kömək edin, ölürəm” bağırdığını deyiblər. Segato xəstəxanaya aparılıb. Lakin xəstəxanaya çatar-çatmaz infarktdan keçinib. Segatonun səhhətində bundan əvvəl də bir neçə dəfə ağırlaşma olub və o, xəstəxanada müalicə alıb. Segatonun illər öncə narkotik maddə asılılığı varmış. Bundan xilas olmaq üçün idmanla məşğul olmağa başlayıb, lakin idmanla əzələlərinə “istədiyi” formanı verə bilmədiyi üçün süni vasitəyə əl atıb. Həkimlərin xəbərdarlığına isə məhəl qoymayıb. Bu da sonu.