Sovet dövründən Rusiyanın ən mühüm təyyarələrindən biri olan "A-50" Azov dənizi üzərində yoxa çıxıb.
Sherg.az xəbər verir ki, Rusiya Teleqram səhifələri təyyarənin Rusiya özü tərəfindən vurulduğunu iddia etdiyi halda, Ukrayna qanadı A-50-ni hava qüvvələrinin vurduğunu iddia edir.
2022-ci ilin yayında əks-hücum əməliyyatına başlayan Ukrayna ordusu təxribat hücumlarının ünvanı Krım yarımadası olduğu halda, Rusiyanın işğalı altında olan bir çox şəhəri geri alıb. 9 il əvvəl Vladimir Putin tərəfindən zəbt edilən Krımı geri almağı hədəfləyən ukraynalılar bölgəyə dəfələrlə havadan və dənizdən hücum ediblər. 2022-ci ilin aprelində Ukrayna ordusu Rusiyanın Qara dənizdəki ən böyük qüvvəsi olan “Moskva” gəmisini Neptun raketləri ilə batırmışdı. Bu tarixdən etibarən Rusiya ordusu Krıma qarşı dəniz hücumlarına qarşı daha həssas olub. 2022-ci ilin oktyabrında Kerç körpüsünü ilk dəfə partladan Ukrayna ordusu sonrakı aylarda da oxşar bombardmanları davam etdirib.
2023-cü ilin iyulunda Kiyev administrasiyası Kerç körpüsünü növbəti dəfə hədəfə alıb və “Dəniz körpəsi” adlı pilotsuz dəniz vasitələri ilə hücum həyata keçirib. Partlayışdan sonra körpünün bir hissəsi dağılıb.
Ukrayna ordusu sonuncu dəfə bu ayın əvvəlində Krımda Fedosiya limanına hücum edib. Rusiya ordusunun Qara dənizdəki ən kritik bazalarından birinə ev sahibliyi edən limanda Rusiyanın ən böyük desant gəmilərindən biri olan “Novorossiysk” yararsız vəziyyətə düşüb. Hücumda Britaniya istehsalı olan “Storm Shadow” raketlərindən istifadə edilib.
Son məlumatlarda Ukrayna mətbuatında yer alan xəbərə görə, Sovet dövründən düşmən raketlərini aşkar edən Rusiyanın A-50 model təyyarəsi vurulub. Bildirilir ki, Rusiyada casus təyyarəsi kimi tanınan cəmi iki A-50 təyyarəsi qalıb. Ukraynanın RBC radiosu təyyarənin Azov dənizi üzərində Ukrayna Hərbi Hava Qüvvələrinin özü tərəfindən vurulduğunu iddia edib. Məsələ ilə bağlı Rusiyadan rəsmi açıqlama verilməyib.
Rusiya Hərbi Hava Qüvvələrinə bağlı FighterBomber Telegram səhifəsi hücumu təsdiqləyib. Ukraynanın hücumu təsdiqlədiyini ifadə edən “Qırıcı Bomber” təyyarənin Rusiya ordusu tərəfindən “təsadüfən” vurulması ehtimalının olduğunu da bildirib.
