İsmayıl Haniyənin öldürülməsindən sonra yeni hökumət üzvlərinin parlamentə təqdim edilməsində Məsud Pezeşkian (İran prezidenti - red) bir sıra problemlərlə qarşılaşıb.
Axar.az xəbər verir ki, bunu İranda 14-cü hökumətin Koordinasiya Şurasının üzvü İbrahim Fəyyaz Zahid “İLNA”ya müsahibəsində bildirib.
“Yeni prezidentin nazirlərin təyinatı ilə bağlı diqqəti İranın rəhbəri Əli Xamenei, təhlükəsizlik orqanları və yüksək rütbəli rəsmilərlə məsləhətləşmələrə yönəlib. Bütün bu proses vaxt tələb edir. Yaxın bir neçə gündə prezident yekun nəticəni İran parlamentinə təqdim edəcək”,- o deyib.
