“Gürcü Arzusu”nun fəxri sədri Bidzina İvanişvili Mixeil Kavelaşvilini Gürcüstan prezidenti seçilməsi münasibətilə təbrik edir.
24News.ge xəbər verir ki, onun təbrik sözləri "Gürcü Arzusu"nun rəsmi "Facebook" səhifəsində paylaşılıb.
İvanişvili deyib: "Mən ölkəmizin əsl gürcü, vətənpərvər və layiqli prezidentini təbrik edirəm. Bugünkü seçkilərdən sonra ölkənin tam parlament quruluşunu nəzərdə tutan Avropa tipli Gürcüstan konstitusiyası tam şəkildə həyata keçirilib.
Mixeil Kavelaşvilinin andiçmə mərasimindən sonra bu ölkədə insanları qütbləşdirmək, parçalamaq və radikallaşdırmaq cəhdlərinə birdəfəlik son qoyulacaq.
Əminəm ki, Mixeil Kavelaşvili bu ən mühüm institutu konstitusiya çərçivəsində geri qaytaracaq və eyni zamanda, cəmiyyətimizin birləşməsində və dinc yanaşı yaşamasında xüsusi rol oynayacaq prezident olacaq”.
