Cumhuriyyət Xalq Partiyasının (CHP) 38-ci qurultayının ləğvi tələbi ilə açılmış məhkəmə işi 8 sentyabr 2025-ci il tarixinə təxirə salınıb. Ankara 42-ci Asliye Mülki Məhkəməsində keçirilən prosesdə, cinayət istintaqı və səlahiyyətsizlik qərarına edilən etirazların nəticələri gözlənəcək.
Sherg.az xəbər verir ki, qurultayda sədr seçiminin ədalətsiz keçirildiyini iddia edən Lütfü Savaş və bir neçə nümayəndə məhkəməyə müraciət edərək qurultayın və onun nəticələrinin ləğvini tələb edir. Davacı tərəf iddia edir ki, sədr seçimi tərəfli idarə olunub və nəticələr şübhəlidir.
CHP-nin hüquqşünası Çağlar Çağlayan, prosesin hüquqi əsaslarının olmadığını bildirərək, “Sandıq quruldu, nəticə ortaya çıxdı, artıq bu mövzu bitib” deyə cavab verib.
Məhkəmə cinayət işi üzrə araşdırma və səlahiyyətsizlik qərarının yekunlaşmasını gözləməyi qərara alıb. Davanın növbəti iclası 8 sentyabrda baş tutacaq.
