Avropa Komissiyası İsrailin Qəzza zolağındakı hərəkətləri ilə əlaqədar bu ölkəyə göstərilən dəstəyi dayandırır.
Teleqraf xəbər verir ki, bu barədə Avropa Komissiyanın Prezidenti Ursula Fon der Lyayen Strasburqda Avropa Parlamentindəki "İttifaqın vəziyyəti" adlı illik çıxışında bildirib.
Onun sözlərinə görə, Komissiya İsraillə əməkdaşlığı məhdudlaşdıracaq, hökumət üzvlərinə qarşı sanksiyalar tətbiq edəcək və Avropa İttifaqı (Aİ) ilə assosiasiya sazişini dayandıracaq:
"Qəzzadakı vəziyyət fəlakətli və qəbuledilməzdir, süni yaradılmış aclıq heç vaxt silah kimi istifadə edilməməlidir. Uşaqlar və bütün insanlıq naminə bu vəziyyət sona çatmalıdır".
Ursula Fon der Lyayen həmçinin müstəqil Fələstin dövlətinin yaradılması ideyasının qorunmasının vacibliyini vurğulayıb və Fələstin-İsrail münaqişəsinin iki dövlət – İsrail və Fələstin prinsipi əsasında həll olunmalı olduğunu bildirib.
