BRICS ölkələri Ukrayna kontekstində bütün dövlətlərin “bütövlükdə və bir-biri ilə əlaqəli olaraq BMT Nizamnaməsinin məqsəd və prinsiplərinə uyğun hərəkət etmək” məsuliyyətini vurğulayıblar.
APA-nın Rusiya bürosu xəbər verir ki, bu barədə BRICS-in Kazan Bəyannaməsində bildirilib.
Bir il əvvəl olduğu kimi, BRICS iştirakçıları “Ukraynada və ətrafındakı vəziyyətlə bağlı milli mövqeləri” xatırladıb, həmçinin vasitəçilik təşəbbüslərini alqışlayıblar.
BRICS-in Kazan Bəyannaməsində Ukraynanın adı yalnız bir dəfə çəkilib. Bəyannamənin 13-cü səhifəsindəki 36-cı bənddə Ukraynadan bəhs olunub.
Bundan başqa, BRICS ölkələri yekun bəyannamədə kosmosda silahlanma yarışının qarşısının alınmasını dəstəkləyiblər.
