Danimarka hökuməti və parlamenti 2023-2028-ci illərdə Ukraynaya hərbi dəstəyi 21,9 milyard kron (3,1 milyard dollar) artırmaq barədə razılığa gəlib.
APA xəbər verir ki, bu barədə ölkənin Müdafiə Nazirliyinin press-relizində deyilir.
Danimarka 2023-cü ildə əlavə olaraq 7,5 milyard kron (1,1 milyard dollar), 2024-cü ildə 10,4 milyard kron (1,52 milyard dollar), 2025-2028-ci illərdə isə hər il 1 milyard (150 milyon dollar) vəsait ayıracaq. "Hərbi yardım silah, digər hərbi texnika, fövqəladə hallar üçün avadanlıq və təlim fəaliyyətləri şəklində birbaşa dəstək kimi davam edəcək. Bundan əlavə, xərclərə Danimarka və xarici müdafiə müəssisələri vasitəsilə texnika, silah və s. hədiyyə etmək məqsədilə satınalmalar da daxildir”, - məlumatda deyilir.
