Türkiyə Prezidenti Rəcəb Tayyib Ərdoğan İtaliyanın Baş naziri Corciya Meloniyə İtaliya-Türkiyə dəhlizi boyunca miqrant axınını əhəmiyyətli dərəcədə azaldacağına söz verib.
Axar.az xəbər verir ki, bu barədə “Euractiv” məlumat yayıb.
Məlumata görə, onlar bu barədə İstanbulda razılığa gəliblər:
“Meloni İstanbulda olarkən Ərdoğanla miqrasiya sahəsində əməkdaşlığın effektivliyi barədə söhbət edib. Ötən il tərəflər qeyri-leqal miqrant axınını 56% azalda bilib. Söhbət nəticəsində miqrasiya sahəsində əməkdaşlığın davam etdirilməsi və dərinləşdirilməsi barədə razılıq əldə olunub. Üstəlik, yaxın vaxtlarda iki ölkənin XİN-i Liviyadan miqrasiya axınının məhdudlaşdırılmasına dair saziş bağlamaq niyyətindədir”.
