Ermənistan hakimiyyəti ölkənin himni və gerbinin dəyişdirilməsi ilə bağlı qərar qəbul etməyib.
APA Armenia Today-a istinadən xəbər verir ki, bu barədə parlament sədrinin müavini Ruben Rubinyan bildirib.
Onun sözlərinə görə, hazırda hakim “Vətəndaş Müqaviləsi” partiyasının, onun parlamentdəki fraksiyasının və hökumətin bununla bağlı hər hansı qərarı yoxdur.
“Kim dedi ki, biz himni və gerbi dəyişmək istəyirik? Mən onları dəyişdirmək istəmirəm”, - o deyib.
Həmçinin, onun sözlərinə görə, Ermənistan üçün yeni konstitusiya layihəsi mövcud deyil, “onu heç kim görməyib”.
