İranda koronavirusa yoluxanların və ölənlərin sayında kəskin artım müşahidə olunur. Bu günə olan məlumata görə, İranda 7 min 719 nəfər koronavirusa yoluxub, 434 nəfər isə vəfat edib.
AZƏRTAC xəbər verir ki, bu barədə məlumatı İranın Səhiyyə Nazirliyinin nümayəndəsi Sima Səadət Lari verib. Onun sözlərinə görə, İranda virusa yoluxanların ümumi sayı 620 min 491 nəfər, ölənlərin sayı isə 35 min 298-ə çatıb.
Müalicəsi davam edən 5 mindən çox xəstənin vəziyyəti ağır olaraq qalır. Bununla yanaşı, 486 min 691 nəfər sağalaraq evə buraxılıb.
İranın 25 vilayətindəki 46 şəhərdə 10 gün müddətində yenidən karantin rejimi tətbiq olunub. Təhsil müəssisələri ilə yanaşı, ictimai və bütün kütləvi tədbirlər qadağan edilib.
