İsrail Müdafiə Qüvvələri bir daha Qəzza şəhərinin sakinlərini təxliyə olmağa çağırıb və artıq 250 mindən çox insanın şəhəri tərk etdiyini açıqlayıb.
Bu barədə "Report" İsrailin "Ynet" portalına istinadən xəbər verir.
"Ordunun hesablamalarına görə, son bir neçə gündə 250 mindən çox insan Qəzza şəhərini tərk edib. Əl-Rəşid yolundan istifadə edin və humanitar yardım alacağınız Əl-Mavasdakı humanitar zonaya keçin", - nəşr ordunun sözçüsü Avixay Adraidən sitat gətirib.
Xatırladaq ki, sentyabrın 9-da İsrail Müdafiə Qüvvələri Qəzza sakinlərini planlaşdırılan hücumla əlaqədar dərhal təxliyə olmağa çağırmışdı.
