Qərb Rusiya, Çin və İranı Suriyadan kənarlaşdırmaq istəyir.
APA-nın Moskva bürosu xəbər verir ki, bunu Rusiyanın xarici işlər naziri Sergey Lavrov Valday Diskussiya Klubunun 14-cü Yaxın Şərq Konfransı çərçivəsində deyib.
Onun sözlərinə görə, Rusiya Federasiyası Suriyanın yeni hakimiyyətində problemlər görür.
Lavrov qeyd edib ki, Suriya daxilində dialoq o qədər də yaxşı getməyib.
Rusiya XİN başçısı əlavə edib ki, Suriya və Livanda baş verənlərə baxmayaraq, Qərb və Şərqin siyasi prosesi necə inkişaf etdirəcəyinə qərar verə bilmədiyi Liviyada da problemlər var.
