Şimali Atlantika Müqaviləsi Təşkilatının (NATO) yeni baş katibinin seçilməsi prosesi böyük ehtimalla bu ilin birinci rübündə başa çatacaq.
“Report” xəbər verir ki, bu barədə ABŞ-ın NATO-dakı daimi nümayəndəsi Culiann Smit bildirib.
“Mənə elə gəlir ki, mümkün olduğu qədər müttəfiqlər seçim prosesini, yəqin ki, bu təqvim ilinin birinci rübündə başa çatdırmağa tam sadiqdirlər. Biz bu prosesi başa çatdırmağa həvəsliyik", - amerikalı diplomat bildirib.
O, bu postda Yens Stoltenberqi kimin əvəz edə biləcəyi barədə spekulyasiya etməkdən imtina edib. Eyni zamanda, Smit təsdiqləyib ki, alyans xüsusilə Stoltenberqi əvəz etmək arzusunu ifadə edən Niderlandın baş naziri səlahiyyətlərini icra edən Mark Ruttenin namizədliyini nəzərdən keçirir.
“Bununla belə, seçim prosesi davam edir. Yaxın bir neçə ay ərzində bununla bağlı bir növ qərarın gələcəyini gözləyərdim”.
