Almatı İxtisaslaşdırılmış Cinayət Məhkəməsi Nursultan Nazarbayevin qardaşı oğlu Kayrat Satıbaldıulının keçmiş həyat yoldaşı Gülmirə Satıbaldıya hökm oxuyub.
Axar.az xəbər verir ki, bu barədə Qazaxıstan mətbuatı məlumat yayıb.
Məhkəmə onu əmlakı müsadirə olunmaqla 12 il müddətinə azadlıqdan məhrum edib. O, özbaşınalıq, hədə-qorxu ilə tələb etmə maddələri ilə təqsirli bilinib.
Gülmirə Satıbaldının şəriki Madi Batırşaeva isə 9 il müddətinə azadlıqdan məhrum edilib.
Qeyd edək ki, Gülmirə Satıbaldı 2023-cü ilin may ayında biznesi ələ keçirmə və adam oğurluğu maddələrinə görə 7 il müddətinə həbs edilmişdi.
