Rusiya Prezidenti Vladimir Putin Qazaxıstanda səfərdədir, dövlət başçısının təyyarəsi Astanada eniş edib.
Məlumata görə, Putini qarşıda gərgin iş proqramı gözləyir. O, Akorda dövlət iqamətgahında Qazaxıstan Prezidenti Kasım-Jomart Tokayevlə görüşəcək, dar və geniş tərkibdə danışıqlardan sonra sənədlərin imzalanması planlaşdırılır. Kremlin materiallarında qeyd olunduğu kimi, gündəliyə ikitərəfli əməkdaşlığın perspektivləri və aktual beynəlxalq problemlər daxildir. Nəticələrdən sonra liderlər mətbuata açıqlamalar verəcəklər.
Qeyd edək ki, proqramın ayrıca bəndi Putin və Tokayevin Rusiya və Qazaxıstanın XIX Regionlararası Əməkdaşlıq Forumunun plenar iclasında iştirakıdır (onlar videokonfrans vasitəsilə çıxış edəcəklər). “Kənd təsərrüfatı güclü iqtisadiyyatın əsasıdır” mövzusunda olacaq Forum Kostanayda keçiriləcək.
Bundan başqa, Tokayev Rusiya liderinin şərəfinə rəsmi ziyafət verəcək.
Şəxsi görüş bu il prezidentlər üçün beşinci olacaq və onlar mütəmadi olaraq telefonla da əlaqə saxlayırlar.
Mənbə: TASS
