Qazaxıstan hökuməti Rusiyanın Aktau şəhərində baş konsulluq açması ilə bağlı saziş layihəsini təsdiqləyib.
Axar.az xəbər verir ki, bu barədə "KazTAG" agentliyi Qazaxıstan hökumətinə istinadən məlumat yayıb.
Sənədə əsasən, Qazaxıstan hökuməti konsulluğun açılması və onun öz funksiyalarını yerinə yetirməsi üçün bütün zəruri dəstəyi və şəraiti təmin edəcək.
Xatırladaq ki, Rusiyanın Aktau şəhərində konsulluq açmaq planı barədə ilk dəfə 2022-ci ilin iyulunda məlumat verilmişdi.
