Rusiyanın “Transneft” şirkəti Ukraynanın liman və neft müəssisələrinə dron hücumları səbəbindən neft hasilatını azaltmalı ola biləcəkləri ilə bağlı istehsalçılara xəbərdarlıq edib.
APA xəbər verir ki, bununla bağlı üç anonim mənbə “Reuters“ ə məlumat ötürüb.
Qeyd edək ki, Ukrayna avqust ayından bəri Moskvaya iqtisadi ziyan vurmaq məqsədilə Rusiyanın energetika obyektlərini hədəfə alır.
Ukrayna dronları Rusiyada azı 10 neftayırma obyektini vurub və ölkənin neft emalı qabiliyyətini demək olar ki 20%-ə qədər azaldıb.
Hücumlar nəticəsində Rusiyanın Baltik dənizində yerləşən Ust-Luqa və Primorsk limanlarına ciddi ziyan dəyib.
Rusiya hökuməti dəyən ziyanın həcmi ilə əlaqədar rəsmi açıqlama verməyib.
“Reuters“ ə danışan mənbələrin məlumatına görə, Ukraynanın hücumları Rusiyanın neft hasilatını tamamilə kəsə də bilər.
“Transneft” şirkəti “Reuters” in sorğularına cavab verməyib.
