ABŞ Ukraynada münaqişənin həllindən sonra sülhün qorunmasına kömək edəcək.
Teleqraf xəbər verir ki, bu barədə ABŞ Prezidenti Donald Tramp “Fox News” telekanalına müsahibəsində bildirib.
“Müharibə bitdikdən sonra biz sülhün qorunmasına kömək edəcəyik. Mən hava dəstəyindən danışarkən, münaqişənin həllindən sonrakı təhlükəsizliyi nəzərdə tuturdum", - ABŞ lideri deyib.
O, həmçinin qeyd edib ki, hazırda Vaşinqton Kiyevə kəşfiyyat məlumatları təqdim etməklə dəstək göstərir.
“Sülh sazişi bu və ya digər şəkildə imzalanacaq”, - dövlət başçısı əlavə edib.
