Ukrayna prezidenti Zelenskinin Baş Qərargah rəisi Zalujnini vəzifəsindən azad edəcəyi iddia edilib. İddialara görə, Zelenski buna səbəb kimi ölkəsinin Rusiyaya qarşı hücumunun uğursuzluğunu göstərib. Digər iddia isə Ukrayna liderini “dəmir general” ləqəbli Zalujninin siyasi bəyanatlarından narahat olmasıdır.
Sherg.az xarici mediaya istinadən xəbər verir ki, Rusiya ilə müharibənin üçüncü ilinə qədəm qoymağa hazırlaşan Ukraynada Baş Qərargah rəisi Valeri Zalujninin taleyi gündəmdədir. Ukrayna prezidenti Vladimir Zelenskinin Zalujnini istefaya göndərəcəyi iddia edilirdi. İddialara görə, qərara səbəb Ukraynanın əks-hücumunun uğursuzluğu olub. Bununla belə, Zelenskini “dəmir general” ləqəbli Zalujninin siyasi bəyanatlarından narahat olduğu bildirilir. İctimai rəy sorğularına görə, Zalujni gələcəkdə Zelenskinin rəqibi ola biləcək güclü fiqurdur.
Zelenskinin “dəmir general”ı işdən çıxarmaq istədiyi və Zalujninin müqavimət göstərdiyi iddia edilərkən, Britaniyanın “The Guardian” qəzeti Zelenskinin Zalujnini başqa vəzifəyə təyin etməyi düşündüyünü yazıb.
Müdafiə naziri Rustem Umerovun iştirak etdiyi iclasda vəziyyət Zalujniyə çatdırılsa da, “dəmir general” bu tapşırığı rədd edib. Nəhayət, CNN İnternational Zalujninin istənilən halda işdən çıxarılacağını iddia edib. Məsələyə yaxın mənbələrə əsaslanan xəbərdə Zelenskinin verdiyi qərarın həftə sonuna qədər rəsmiləşəcəyi bildirilib. Zelenskinin “dəmir general” yerinə təyin etməyi düşündüyü şəxs Müdafiə Kəşfiyyatının rəisi, 38 yaşlı Kirilo Budanovdur. Digər namizəd isə Ukrayna Quru Qoşunlarının komandanı Aleksandr Sırskidir.
Şayiələrə görə, “dəmir general” ictimaiyyətdə Zelenskinin varisi kimi görünür. Keçən ilin dekabrında Kiyev Sosiologiya İnstitutunun keçirdiyi sorğu nəticəsində məlum olub ki, ukraynalıların 88 faizi Zalujnı dəstəkləyir. Bu sorğuda Zelenskinin nisbəti yüzdə 62 olaraq təyin olundu. 2023-cü ilin noyabrında Böyük Britaniyada nəşr olunan The Economist jurnalına verdiyi müsahibədə Zalujni Rusiya ilə müharibəni “dalanda” adlandırmışdı.
Zelenski 203-cü ilin sentyabrında müdafiə naziri Oleksi Reznikovu vəzifəsindən azad edib. Müharibənin başlaması ilə Reznikov milyardlarla dollarlıq xarici hərbi yardımın ölkəyə çatmasını təmin etməyə çalışırdı.
