Gürcüstan QHT-ləri 2024-cü il oktyabrın 26-da Gürcüstanda keçiriləcən parlament seçkiləri üçün USAİD-dən 41.7 milyon dollar alıb və bu maliyyələşdirmənin məqsədi şəffaf deyil.
Axar.az xəbər verir ki, bunu Gürcüstan parlamentinin spikeri Şalva Papuaşvili deyib.
“USAID siyasi QHT-lər vasitəsilə Gürcüstandakı seçkilərə 41,7 milyon dollar xərcləyib. Gürcüstan və ABŞ əhalisini müqayisə etsəniz, bu, ABŞ seçkilərinə 3,78 milyard dollar xərcləməyə bərabərdir. Başqa ölkədə seçkiyə 41,7 milyon dollar xərcləyib o ölkənin xalqı qarşısında heç bir məsuliyyət hiss etməmək mümkün deyil”, - spiker bildirib.
Papuaşvili Gürcüstanda dövlət çevrilişinə cəhdlərə mütəmadi rəhbərlik edən təşkilatlara on milyonlarla dolların necə ayrıldığını izah etməyi tələb edib.
