Ukrayna prezidenti Volodimir Zelenski Rusiyanın 51 şirkəti və bir Belarus müəssisəsinə qarşı sanksiya tətbiq edib.
Publika.az xəbər verir ki, bu barədə cümə günü onun saytında dərc edilmiş fərmanda deyilir.
Saytda Rusiyada qeydiyyatdan keçmiş 51 şirkət də daxil olmaqla bir sıra şirkətlərə və fiziki şəxslərə qarşı dövlət sanksiyalarının tətbiqi ilə bağlı fərmana düzəlişlərin mətni dərc edilib. Sənəddə qeyd olunan müəssisələr, xüsusilə, metallurgiya, kimya sənayesi və rabitə sahələrində fəaliyyət göstərir.
Bundan başqa dövlət qurumları və ofislər üçün mebel istehsal edən Saranskın “103 Arsenal” şirkəti, reagentlər, əczaçılıq və dezinfeksiya vasitələri istehsal edən “Altay Ximprom” zavodu, “Baltic Industrial Company” dəzgah istehsalı, “elektrotexnika zavodu” və digərləri də var.
Həmçinin poliester saplardan, toxunmamış materiallardan və plastikdən məhsullar istehsal edən Belarusun Svetloqorsk Ximvolokno şirkətinə qarşı sanksiyalar tətbiq edilir.
Sənədə əsasən, sanksiyalara dövlət mükafatlarından məhrumetmə, aktivlərin bloklanması, vəsaitlərin Ukraynadan kənara köçürülməsinin qarşısının alınması, ticarət müqavilələrinə xitam verilməsi və ticarət əməliyyatlarının aparılması daxildir.
