"Qalatasaray" forması altında ardıcıl dördüncü çempionluğunu qazanmağa yaxın olan uruqvaylı futbolçu Lukas Torreyra gələcəyi ilə bağlı yekun qərarını verib.
Oxu.Az "HT Spor"a istinadən xəbərinə görə, təcrübəli futbolçu ən azı daha üç il "Qalatasaray"da çıxış etməyə qərar verib.
Onun bu addımı çempionluq yarışında həlledici mərhələyə qədəm qoyan texniki heyət və klub rəhbərliyi tərəfindən böyük sevinclə qarşılanıb.
"Sarı-qırmızılar"la 2028-ci ilə qədər müqaviləsi olan uruqvaylı oyunçunun ən azı daha üç il İstanbulda qalmaq və komandası ilə birlikdə yeni zəfərlərə imza atmaq niyyətində olduğu vurğulanır.
