ABŞ Prezidenti Donald Tramp Avropa ölkələrini İİV və QİÇS pandemiyasına qarşı qlobal mübarizədə kifayət qədər iş görmədiklərinə görə kəskin tənqid edib.
Oxu.Az xəbər verir ki, bu barədə o, "The Independent"ə müsahibəsində bildirib.
Tramp vurğulayıb ki, ABŞ onilliklər ərzində milyardlarla dollar xərcləyərək, pandemiya ilə mübarizə proqramlarının əsas maliyyə yükünü öz üzərinə götürüb. Eyni zamanda o, ABŞ-ni bu sahədə həqiqətən yardım göstərən yeganə ölkə adlandırıb, digər ölkələrin rolu ilə bağlı sualı açıq şəkildə ortaya qoyub.
"Biz yeganə ölkəyik. Başqaları haradadır? Fransa haradadır? Almaniya haradadır? Biz milyardlarla, milyardlarla dollar xərcləmişik", - ABŞ lideri bildirib.
Bu cür bəyanatlar ABŞ-nin BMT-nin müvafiq proqramlarının maliyyələşdirməsinin mümkün azaldılmasının fəlakətli nəticələri ilə bağlı xəbərdarlıqları fonunda verilib. Təşkilatın məlumatına görə, dəstəyin azaldılması milyonlarla insanın ölümünə səbəb ola bilər.
