Sosial platformalarda, xüsusilə canlı yayımlar zamanı cəmiyyətə qarşı açıq hörmətsizlik, qeyri-etik paylaşımlar edən “Roşka” ləqəbli tiktoker Rövşən Süleymanzadənin cinayət işi üzrə məhkəmə prosesi keçirlib.
Teleqraf xəbər verir ki, bu gün Bakı Ağır Cinayətlər Məhkəməsində hakim Roman Ələkbərlinin sədrlik etdiyi prosesdə təqsirləndirilən şəxsin dövlət hesabına təyin olunan vəkildən imtina etdiyi məlum olub.
Prosesdə prokuror ittiham aktını elan edib, R. Süleymanzadə özünü təqsirli bilməyib. Deyib ki, üzərində heç bir narkotik vasitə aşkarlanmayıb.
Qeyd edək ki, 1996-ci il təvəllüdlü Rövşən Süleymanzadə ötən ilin noyabrında polisin keçirdiyi əməliyyat zamanı saxlanılıb. Ondan narkotik vasitə olan marixuana da aşkarlanub.
Rövşən Süleymanzadənin barəsində Cinayət Məcəlləsinin 234.1-1-ci (satış məqsədi olmadan qanunsuz olaraq narkotik vasitələri və ya psixotrop maddələri xeyli miqdarda əldə etmə, saxlama, hazırlama, emal etmə, daşıma, külli miqdarda törədildikdə) maddəsi ilə ittiham irəli sürülüb.
Məhkəmənin qərarı ilə həbs qətimkan tədbiri seçilib.
Xatırladaq ki, bundan əvvəl müvafiq qərarla R. Süleymanzadə inzibati qaydada 45 sutka həbs edilib.
Eyni əməllərə görə, həmin ilin aprelində də o, inzibati qaydada 20 sutka həbs olunub.
