Türkiyədə kirayə evlər fevralın sonundan etibarən rusların axını səbəbindən üç dəfə bahalaşıb.
Rieltorların sözlərinə görə, Türkiyənin kurort zonaları ənənəvi olaraq ruslar arasında populyardır və fevralın sonundan, Ukraynada hərbi əməliyyatlar başlayandan sonra, Rusiya sakinləri tərəfindən uzunmüddətli kirayə evlərə tələbat əhəmiyyətli dərəcədə artıb.
“Tolerancе” agentliyinin direktoru Sergey Volçenkovun sözlərinə görə, son vaxtlar Antalya və Alanyada kirayə ev üçün rusiyalılardan müraciətlərin sayı təxminən dörd dəfə artıb ki, bu da qiymətlərin bahalaşmasına səbəb olub.
Eynilə, İstanbul, İzmir, Bodrum və Fəthiyədə kirayə mənzillərin qiymətləri iki-üç dəfə, təxminən kiçik bir studiya otaq üçün ayda 1-1,5 min dollara qədər artıb.
Mənbə: RİA Novosti
