Gəncə şəhərində ana və övladı dəm qazından zəhərlənib.
Oxu.Az-ın bölgə müxbirinin verdiyi xəbərə görə, hadisə şəhərin Ozan küçəsində baş verib. İlkin məlumata görə Gəncə şəhər sakinləri 34 yaşlı Gülnaz Tahirova və onun 9 yaşlı oğlu Rəsul Tahirov dəm qazından zəhərlənmə diaqnozu ilə Gəncə şəhər Təcili Tibbi Yardım Xəstəxanasına gətiriliblər.
Hər iki şəxsə tibbi yardım göstərilib, vəziyyətlərinin orta-ağır olduğu bildirilir.
Faktla bağlı araşdırma aparılır.
