Sabirabad rayonunda güclü yanğın baş verib.
Fövqəladə Hallar Nazirliyindən bildiriblər ki, hadisə ümumi sahəsi 200 kvadratmetr olan birmərtəbəli evdə qeydə alınıb. Nəticədə 4 otaq və aynabənddən ibarət evin 110 kvadratmetri yanıb. Yanğın zamanı 1 nəfər yanıq xəsarəti alıb. Evin qalan hissəsi yanğından mühafizə olunub. Alov yanğından mühafizə bölmələri tərəfindən söndürülüb.
Hadisə ilə bağlı müvafiq qurumlar tərəfindən araşdırma aparılır.
