16 yaşında ana olan yeniyetmə ilə bağlı Yevlax Rayon Polis Şöbəsində istintaq araşdırmaları aparılır.
Bu barədə hüquq-mühafizə orqanlarından Teleqraf-ın sorğusuna cavab olaraq bildirilib.
Məlumata görə, araşdırmaların nəticəsindən asılı olaraq əmələ hüquqi qiymət veriləcək.
Qeyd edək ki, “Təmiz Dünya” Qadınlara Yardım İctimai Birliyinin sədri Mehriban Zeynalova hamiləlik dövründə rəhbərlik etdiyi sığınacaq tərəfindən yeniyetməyə dəstək göstərildiyi bildirib.
O, sosial şəbəkədəki paylaşımında bildirib ki, artıq 16 yaşlı yeniyetmə körpəsi ilə birlikdə sığınacağa yerləşdirilib, uşağın atasının isə harada olduğu bilinmir.
Yeniyetmənin özünün həm anası, həm də atası dünyasını dəyişib.
