ABŞ prezidentliyinə namizəd Donald Trampın Ukraynadakı münaqişənin həlli planı Minsk razılaşmalarının yenidən nəzərdən keçirilməsi ola bilər və razılaşmaların icrasına nəzarəti Avropa qoşunları daşıyacaq.
Axar.az xəbər verir ki, bu barədə “Faynənşl Tayms” Trampın müşavirlərindən birinə istinadla məlumat yayıb.
“Plan uğursuz Minsk razılaşmalarının yenidən nəzərdən keçirilməsini ifadə edə bilər. Bu dəfə razılaşmaların pozulmasının nəticələri ilə bağlı icra mexanizmləri yaradılacaq. Lakin buna NATO qüvvələri və ya BMT sülhməramlıları deyil, Avropa qoşunları nəzarət etməli olacaq”, - nəşr bildirib.
Müşavirin sözlərinə görə, ABŞ öz qoşunlarının bu mexanizmdə iştirak etməməsinə və maliyyələşmənin Avropa tərəfindən aparılmasına çalışacaq.
