“2023-cü ilin yanvar-avqust ayları ərzində işğaldan azad edilmiş ərazilərdə 86 yanğın hadisəsi baş verib”.
APA-nın Laçına ezam olunmuş müxbiri xəbər verir ki, bunu Rəqəmsal İnkişaf və Nəqliyyat Nazirliyinin “Azərkosmos” Kommersiya qrupunun rəhbəri Elman Ələsgərov deyib.
O bildirib ki, yanğınlar 8 597 hektar ərazini əhatə edib:
”Yanğınların ümumi sahəsinin 141 hektarı meşə sahəsində, 7 332-i otlaq, 832-i əkin, 292-i kolluq sahədə qeydə alınıb. Bu yanğınlardan 16-sı Kəlbəcərdə, 47-si Füzulidə, 2-si Xocavənddə, 6-sı Xocalıda, 3-ü Cəbrayılda, biri Laçında, 4-ü Zəngilanda, 4-ü Qubadlıda, 3-ü Tərtərdə qeydə alınıb”.
