Edirnədə yerləşən özəl uşaq bağçasında üç yaşlı uşağı dişlədiyi iddia edilən baxıcı qadın həbs edilib.
Sherg.az xəbər verir ki, Edirnə Cumhuriyyət Baş Prokurorluğunun başladığı istintaq çərçivəsində bağçada qrup rəhbəri kimi çalışan N.D. adlı baxıcı saxlanılıb. O, polis idarəsindəki ifadəsindən sonra Edirnə məhkəməsinə gətirilib və hakim qərarı ilə həbs olunub.
Zərərçəkmiş uşağın atası Y.E., hadisənin ailə üçün çox sarsıdıcı olduğunu bildirib:
“Uşağım bağçaya cəmi 10 gün əvvəl başlamışdı. Onu bu vəziyyətdə görmək dəhşət idi. Qolunda diş izləri və göyərmələr vardı. Həkimlər bütün gecə nəzarətdə saxladı. Uşağım travma keçirdi, artıq başqa bağçaya göndərməyəcəyəm. Bu hadisənin sonuna qədər gedəcəyəm ki, başqa uşaqların da canı yanmasın.”
Hadisə ilə bağlı Ailə və Sosial Xidmətlər İdarəsi də bağçada araşdırmaya başlayıb.
