Bursada yaşayan estetisyen Huriye Abikebahşi (51), 2023-cü ilin oktyabrında dostuna məxsus rottveiler cinsi itin hücumuna məruz qalaraq üzündə və qolunda ciddi xəsarətlər aldı. Uzun müalicədən sonra burnunda və üzündə toxuma itkisi yaranıb.
Sherg.az xəbər verir ki, Abikebahşi it sahibindən şikayətçi olaraq onun cəzalandırılmasını tələb edir. O bildirib ki, 8 ay pipetlə qidalanıb, işini və qazancını itirib, psixoloji dəstək alır və sosial fobiya yaşayır.
Vəkili Kemal Ündeğerli qeyd edib ki, şübhəli “təqsirli yaralama” maddəsi üzrə mühakimə olunur, həm cinayət, həm də təzminat öhdəliyi var. Hücum edən rottveiler ağızlıqsız və uzun zəncirlə sərbəst buraxılmışdı, bu da təhlükəyə səbəb olub.
