ABŞ-ın Florida ştatında tətil edən bir cütlük altı aylıq qız uşaqlarını Miramar sahilində təxminən bir saat tək buraxdığı üçün uşağa laqeydlik ittihamı ilə saxlanılıb. Olay, 10 oktyabrda cütlüyün üç uşağı ilə tətil zamanı baş verib.
Sherg.az xəbər verir ki, 37 yaşlı Sara Sommers Vilks və 40 yaşlı əri Brian Vilks uşaqlarından birini çadır altında buraxaraq digər uşaqları ilə gəzməyə çıxıblar. Şahid hadisəni polislərə xəbər verib və körpə təhlükəsizliyə qədər nəzarət altında saxlanılıb.
Polisin açıqlamasına görə, uşağın sağlamlığı normaldır. Cütlük “ciddi bədən xəsarəti törətməyən uşağa laqeydlik” ittihamı ilə saxlanılıb və ertəsi gün 1000 dollar qarşılığında sərbəst buraxılıb. Florida Uşaq və Ailə Xidmətləri Dairəsi isə uşaqları müvəqqəti himayəyə götürüb; daha sonra Texsasdan gələn yaxınları onları qəbul edib.
